Një ditë para seancës së Kuvendit, ku pritet votimi i qeverisë së re të Kosovës, Lidhja Demokratike e Kosovës ka bërë publike emrat e ministrave të ardhshëm.
Kryetari i LDK-së, Isa Mustafa, pas mbledhjes së kryesisë së partisë së tij, ka thënë se kanë bërë përgatitjet për seancën e nesërme, ku pritet të votohet Qeveria Hoti, raporton Telegrafi.com.
Hoti ka treguar se kush do të jetë në kabinetin e tij qeveritar, ku sipas tij LDK do të ketë shtatë ministri dhe një zëvendëskryeministër.
- Driton Selmanaj – zëvendëskryeministër
- Hykemte Bajrami – Ministër i Financave
- Anton Quni – Ministër i Mbrojtjes
- Vlora Dumoshi – Ministrre e Kulturës, Rinisë dhe Sportit
- Agim Veliu- Ministrër i Punëve të Brendshme
- Arban Abrashi- Ministrër i Infrastrukturës dhe Ambientit
- Armend Zemaj- Ministrër i Shëndetësisë
- Besian Mustafa – Ministrër i Bujqësisë
Më 28 maj Gjykata Kushtetuese në Kosovë tha se nuk do ketë zgjedhje të parakohshme,duke e quajtur të drejtë vendimin e presidentit Hashim Thaçi për t’i dhënë mandatin për formimin e qeverisë së re Avdullah Hotit nga radhët e Lëvizjes Demokratike të Kosovës.
Kujtojmë se vendimi i Thaçit ishte ankimuar nga lëvizja Vetëvendosje, e cila refuzoi të dërgonte një emër tjetër për kryeministër pas rrëzimit të qeverisë Kurti në Kuvend dhe që kërkonte mbajtje të zgjedhjeve të reja.
Trupa gjykuese ka marrë vendim edhe sa i përket afatit që ka mandatari për krijimin e qeverisë, pro kësaj kanë votuar 7 gjykatës, 2 kanë dalë kundër.
Të gjitha partitë politike përveç LVV kanë kërkuar formimin e një qeverie të re, ndërsa kanë theksuar se do të pranojnë çdo vendim të Gjykatës Kushtetuese.
Presidenti Thaçi mandatoi më 30 prill Avdullah Hotin nga Lidhja Demokratike e Kosovës për të formuar një qeveri të re dhe Lëvizja Vetëvendosje kërkoi nga Gjykata Kushtetuese që të vlerësojë kushtetutshmërinë e veprimit të presidentit.
