Gjykata Speciale në Hagë ka konfirmuar aktakuzën për krime lufte ndaj presidentit të Kosovës Hashim Thaçi.
Ky i fundit gjatë një prononcimi për mediat ditën e sotme ka njoftuar se i është konfirmuar aktakuza nga Gjykata Speciale. Më tej Thaçi njoftoi dorëheqjen nga posti që mban, pasi dëshiron që para gjyqit të mbrojë Integritetin e Presidencës së Kosovës dhe shtetit të Kosovës.
Më tej Thaçi u ka kërkuar forcave politike që të qëndrojnë të matur dhe të mos lejojnë thellimin e kriszës kushtetuese apo institucionale, duke vënë interesat e shtetit mbi ato personale.
” Ashtu të dashur qytetar siç kam premtuar, s’do të lejojë në asnjë rrethanë që para gjyqit të dalë presidenti prandaj për të mbrojtur integritetin e Presidencës së Kosovës dhe shtetit të Kosovës, unë sot jap dorëheqje nga pozita e Presidentit të Kosovës.
Ndihem shumë krenar për përgjegjësinë që kam mbajtur në këto tri dekada në udhëheqjen e institucioneve nga vota e qytetarëve të Kosovës. Në këto rrethana të reja ftoj forcat politike të dëshmojnë mature të qëndrojmë të bashkuar e të mos lejojmë të thellohemi në krize kushtetuese apo institucionale, të vëmë interes të shtetit mbi ato personale. Vendi ynë s’ka kohë të humb prandaj iu ftoj të ruajmë orientimin atlantik të shtetit dhe shoqërisë. Iu ftoj të besoni në shtetin e Kosovës dhe Kosovën e re e evropiane, në atë të rendit dhe ligjit, në Kosovën në NATO dhe raporte special e të përhershme me SHBA-në”, deklaroi Thaçi.
Ndërkohë pritet që postin e tij ta marrë Vjosa Osmani deri në zgjedhjen e presidentit të ri. Pasi siç e parashikon Kushtetuta e Kosovës, nëse Presidenti largohet nga zyra e tij brenda mandatit, atëherë kompetencat e tij i kalojnë kryeparlamentares.
