Presidenti i Shqipërisë, Ilir Meta, foli sot nga Vlora, ku u shpreh: “Unë i ftoj qytetarët e Vlorës, sidomos të rinjtë dhe të rejat të votojnë më 25 Prill që vendi të rihyjë në shinat e demokracisë që t’i japim shpresë të rinjve dhe të rejave që të jetojnë dhe punojnë në këtë Vlorë të mrekullueshme dhe të refuzojnë dhe denoncojnë çdo ofertë për blerje votash. T’i qëndrojnë fort çdo presioni. Qytetarët e Vlorës të votojnë për kandidatët që luftojnë më shumë korrupsionin dhe jo ata që bëjnë sikur e luftojnë.
Kapja e shtetit siç është këtu me banditin e importuar nga Astiri që ka ardhur këtu për blerje votash,. Të japim shpresë se do kemi në Vlorë më të drejtë dhe më të begatë që të marrë frymë lirisht duke i mbajtur këtu forcat e saj. Unë kam vetëm një interes. Vlora e vlonjatëve. Sepse nuk do doja që këtu të takoja nga Bangladeshi dhe India. Ishim këtu për të nderuar gjakun e atyre që ranë në luftë, Tani ne e dimë kush e ka vrarë shpresën në një formë të re të instalimit të pushtimit. Jam krenar për çdo vlerësim që kam dhënë dhe jap sepse çdo gjë është në bazë të meritës.
Për provokimet ordinere, ka një adresë ku mund ta dërgojmë më 26 prill ku do ketë mundësi të kurohet dhe të shijojë diellin e Vlorës. Unë kam qenë në Vlorë përgjatë aktiviteteve për 100-vjetorin e çlirimit të Vlorës. Ajo është e të gjithëve, aq më tepër e një presidenti që fshati ku ka lindur ka sjellë një çetë. Kështu është kënaqësi, do vij edhe më shpesh. Ka thirrje publike dhe inkurajim publik të bërë nga kryeministri për vjedhje vote. I keni parë të gjithë. Të fala Gurusë. Vlora e vlonjatëve”, tha Meta.
