Presidenti i Republikës, Ilir Meta ka zhvilluar pasditen e sotme një takim me kryeministrin e Hungarisë Viktor Orban, të cili e ka cilësuar si një mikë të sinqertë të Shqipërisë. Meta ndër të tjera ka thënë se kanë zhvilluar një bisedë të hapur dhe produktive për shumë çështje me interes të përbashkët në forcimin e marrëdhënieve mes dy vendeve dhe në dobi të qytetarëve të të dyja shteteve. Gjithashtu Presidenti thotë se në kuadër të bisedimeve shihet një e ardhme premtuese.
“Bisedë e hapur, e ngrohtë dhe produktive për shumë çështje me interes të përbashkët”, shkruan kreu i shtetit në rrjetet sociale lidhur me takimin me kreun e qeverisë hungareze.
Ndër të tjera Presidenti i Republikës ka publikuar edhe pamje nga takimi që ka zhvilluar me udhëheqësin e Hungarisë, vend ku Ilir Meta po zhvillon një vizitë zyrtare.Gjithashtu pritjen e kryemiistrit hungarez Meta e ka cilësuar si të veçantë.
Mesazhi i plotë i Metës
Përherë kënaqësi të takohem me Kryeministrin Orban, mik i sinqertë i Shqipërisë, të cilin e falenderoj për pritjen, si gjithmonë të veçantë.
Bisedë e hapur, e ngrohtë dhe produktive për shumë çështje me interes të përbashkët, në dobi të qytetarëve tanë dhe forcimit të marrëdhënieve të shkëlqyera dypalëshe historike, tradicionale dhe premtuese për të ardhmen.
