Një 70-vjeçar nga Kruja i është shtuar listës së personave që kanë fituar betejën me COVID-19.
Në një postim në rrjetet sociale, ministrja e Shëndetësisë, Ogerta Manastirliu bën me dije se i moshuari kishte qëndruar 4 javë në terapi intensive në spitalin Infektiv.
Ministrja shkruan, se deri më tani 30 pacientë të trajtuar në terapi intensive kanë fituar betejën me koronavirusin.
Çdo ditë stafi mjekësor i spitalit infektiv përballet me raste të reja të pacientëve që kanë nevojë për trajtim mjekësor, siç ka çdo ditë, pacientë që e fitojnë betejën me virusin e rrezikshëm #COVID19!
Me punë të palodhur e përkushtim nga mjekët dhe infermierët, pas 4 javësh në terapi intensive, 70 vjeçari nga Kruja është shëruar dhe kthehet në shtëpi🙏🏼
Deri tani 3️⃣0️⃣ pacientë të trajtuar në terapi intensive në spitalin infektiv, e kanë fituar betejën me sëmundjen, falë trajtimit mjekësor dhe shërbimit të të gjithë ekipit të palodhur të #Infektivit🙏🏼
Deri më tani që nga nisja e epidemisë janë shëruar 410 persona.
Prej dy javësh, numri i të shëruarve është më i lartë se i të infektuarve aktiv
Në shërbimin Infektiv aktualisht janë 30 të shtruar, ku 4 pacientë janë në terapi intensive.
Ndërsa në spitalin Covid 2, “Shefqet Ndroqi”, janë 6 pacientë të shtruar, 2 në terapi intensive dhe 4 të intubuar.
