Autoritetet e Policisë së Korçës vazhdojnë operacionin e koduar “Perimetri”, ku kanë goditur një rast tjetër të aktivitetit criminal në fushën e dhënies ndihmë shtetasve të huaj për kalim të paligjshëm të kufirit, kundrejt shpërblimit. Falë kontrolleve të kryera u bë i mundur kapja dhe arrestimi në flagrancë të dy shtetasve A. Z., 25 vjeç dhe A. F., 22 vjeçe, banues në Korçë. Ata janë konstatuar mbrëmjen e djeshme nga Forcat Speciale “Shqiponjat”, në dalje të fshatit Boboshticë, Korçë, duke transportuar në drejtim të Tiranës, me mjetin tip “Volkswagen”, 11 emigrantë të paligjshëm, të cilëve kundrejt shpërblimit, iu kishin premtuar kalimin drejt vendeve të BE-së.
NJOFTIMI NGA POLICIA
Qarku Korçë
Vijon operacioni policor “Perimetri”.
Goditet një tjetër rast i veprimtarisë kriminale të dhënies së ndihmës shtetasve të huaj për kalim të paligjshëm të kufirit, kundrejt shpërblimit.
U kapën duke transportuar 11 emigrantë të paligjshëm vihen në pranga 2 shtetas.
Specialistët për Hetimin e Trafiqeve të Paligjshme dhe Narkotikëve në DVP Korçë, në bashkëpunim me Policinë Kufitare dhe Forcat Speciale “Shqiponjat”, në vijim të operacionit policor të koduar “Perimetri”, kanë goditur një rast tjetër të aktivitetit kriminal në fushën e dhënies ndihmë shtetasve të huaj për kalim të paligjshëm të kufirit, kundrejt shpërblimit, si rezultat i të cilit u bë kapja dhe arrestimi në flagrancë i shtetases A. Z., 25 vjeç dhe A. F., 22 vjeçe, banues në Korçë.
Këta shtetas janë konstatuar mbrëmjen e djeshme nga Forcat Speciale “Shqiponjat”, në dalje të fshatit Boboshticë, Korçë, duke transportuar në drejtim të Tiranës, me mjetin tip “Volkswagen”, 11 emigrantë të paligjshëm, të cilëve kundrejt shpërblimit, iu kishin premtuar kalimin drejt vendeve të BE-së.
Materialet në ngarkim të tyre i kaluan Prokurorisë së Rrethit Gjyqësor Korçë, për veprën penale “Ndihma për kalim të paligjshëm të kufijve” kryer në bashkëpunim.
