Partia Demokratike ka depozituar mëngjesin e sotëm padinë për projektin e “Unazës së madhe” në Prokurorinë e Tiranës.
PD kërkon nga organi i akuzës që të nisë hetimet dhe punimet të pezullohen deri në momentin që Prokuroria të dalë me një vendim përfundimtar.
Sipas ish-deputetit, Klevis Balliu, ky projekt ka për qëllim kullat dhe jo rrugës.
Më tej ai thotë, se kompania që ka fituar tenderin te loti i parë, është nën hetim te loti i dytë.
Ndër të tjera Balliu shton, se për shkak të një projekti korruptiv, po shkatërrohen jetë njerëzish.
“Ky është mali me dokumente që janë prova dhe fakte që ky projekti ka vetëm një qëllim kullat e jo rrugët, vjedhjen e jo rrugët. Si ka mundësi që kompania që është aktualisht në hetim te loti 2 ka fituar tenderin te loti 1 i të njëjttit projekt? Kjo Prokurori duhet menjëherë të nisë hetimet e të pezullojë punimet te Unaza e Re. Këtu po bëhet fjalë për jetë njerëzish, ata po shkatërrohen, po goditen për shkak të një projekti korruptiv”, tha Balliu jashtë Prokurorise.
