Një drejtues i cili po ndiqte me automjetin e tij ambulancën që ishte në shërbim emergjent është ndaluar nga policia e shtetit dhe është proceduar me masë administrative dhe pezullim të lejes së drejtimit. Ndaj tij është marrë masa administrative 30000 lekë të rinj si dhe pezullimi i lejes së drejtimit 12 muaj. Policia apelon që drejtuesit e mjeteve të tregojnë kujdes dhe të rrespektojnë rregullat e qarkullimit rrugor. Gjatë ditëve të fundit policia ka shtuar postoblloqet në rrugët urbane dhe interurbane.
Njoftimi i Policisë:
Tiranë
Ndiqte ambulancën e cila ishte në shërbim emergjence, procedohet me masë administrative dhe pezullim të lejes së drejtimit drejtuesi i automjetit.
Policia Rrugore e Tiranës në vijim të kontrolleve të ushtruara për rritjen e parametrave të sigurisë rrugore, në rrugën interurbane Durrës-Tiranë, ka konstatuar dhe ndaluar një automjet që ndiqte ambulancën e cila ishte në shërbim emergjence.
Ndaj drejtuesit të automjetit u vendos masa administrative 30000 lekë të rinj si dhe pezullimi i lejes së drejtimit 12 muaj.
Policia Rrugore e Tiranës apelon që drejtuesit e mjeteve të tregojnë kujdes në raport me rregullat e qarkullimit rrugor dhe veçanërisht për të mos ndjekur nga afër dhe shfrytëzuar progresionin e lëvizjes së mjeteve të emergjencave, me sisteme zanore dhe pamore ndezur.
