Procesi i numërimit të votave në SHBA, po vazhdon, por Presidenti aktual Donald Trump ka shtuar ankesat në lidhje me parregullsi të tyre.
Dke qenë se diferenca është e vazhdueshme kundrejt rivalit të tij Joe Biden, kjo gjë ka shkaktuar edhe më shumë ankesa nga Trump.
Sipas raportimit nga ana e menaxherit të fushatës së Republikanëve, Bill Stepien, Trump po kërkon një rinumërim në shtetin e Wisconsin, pasi rezultatet tregojnë se Biden kryeson atje me rreth 20 mijë vota.
“Ka pasur raporte të parregullsive në disa qarqe të Wisconsin të cilat ngrenë dyshime serioze në lidhje me vlefshmërinë e rezultateve. Presidenti është brenda pragut për të kërkuar një rinumërim dhe ne menjëherë do ta bëjmë atë”, ka deklaruar në rrjetin social twitter, Bill Stepien, menaxheri i fushatës së Trump.
Edhe pse Trump mund të kërkojë një rinumërim, nuk ka gjasa të ndryshojë rezultatin përfundimtar në Wisconsin me një diferencë deri në 20,000 mijë vota. Edhe aleatët e Trump, si ish-guvernatori i Wisconsin, Scott Walker, kanë thënë se një rinumërim nuk ka gjasa të ndryshojë rezultatin në këtë shtet./GazetaReforma.com/
