Një automjet i llojit “Land Rover” ka rënë nga ura në aksin Poliçan-Berat. Mësohet se si pasojë e aksidentit janë plagosur dy të rinjtë që ndodheshin brenda makinës.
Ata janë dërguar në spital ku ndodhen jashtë rrezikut për jetën.
Grumbullimet masve në pelegrinazhin e Malit të Tomorrit janë ndjerë shumë ditën e sotme. Dyndjet kanë qenë të shumta dhe trafiku ka qenë tejet i rënduar saqë automjetet nuk kishin lëvizur aspak nga rruga duke bllokuar kështu dhe lëvizjen.
Siç duket e gjithë kjo është bërë shkak dhe burim për aksidentin e ndodhur ditën e sotme, pasi qëndrimi i tepërt në timon i ka shkaktuar lodhje drejtuesit të mjetitit nga ku ka përfunduar dhe jashtë rrugës kryesore.
Shërbimet e emergjenncës kanë arritur menjëherë në vendin e ngjarjes nga ku kanë bërë të mundur dhe transportimin e menjëhershëm në ambientet e spitalit të dy të rinjëve nga ku po marrin dhe trajtimin e duhur mjekësor.
Fatmirësisht dy të plagosurit janë në gjëndje të normalizuar shëndetësore dhe ndodhen jashtë rrezikut për jetën.
Të rinjtë po ktheheshin nga pelegrinazhi në Malin e Tomorrit dhe kishin orë të tëra që udhëtonin. Shkak për humbjen e kontrollit të mjetit dyshohet se është bërë lodhja e drejtuesit.
