Në seancën e sotme gjyqësore të zhvilluar në Gjykatën e Posaçme, Nuredin Dumani, i penduar i drejtësisë për dosjen “Plumbi i Artë”, ka dhënë dëshminë e tij.
Dumani ka rrëfyer se ka njohur Talo Çelën në vitin 2010 përmes Ilirjan Fecit, dhe gjithashtu ka pasur kontakte me dy vëllezërit e Çelës. Ai ka shtuar se kishte marrëdhënie me Bujar Çelën, i cili u ekzekutua në shtator 2020.
Talo Çelën e kam njohur në vitin 2009 ose 2010 nga Ilirjan Feci. Kam qëndruar tek shtëpia e Talos dhe ai tek shtëpia ime. Kam njohur dy vëllezër të Talos. Deri në 2019 kam pasur marrëdhënie te mira me Talo Çelën. Kam patur kontakte edhe me vëllain e tij, Bujar Celen, ne shtepi e kam takuar vetëm në 2013, më pas në një lokal. Bujari i shërbente Talos, bënte takim në emër të tij e ndihmonte për çdo gjë. Erion Alibejn e kam njohur në 2020. Kam krijuar marrëdhënie shoqërore.
Elio Bitri më ka njohur me Erion Alibejn. Jam vënë në dijeni që Erjon Alibej kërkonte të më takonte. Dhe Elio me tha që Erion Alibej ka rënë në gjurmët tuaja që vëllai im ka qëlluar në drejtim të vellait të Alibejt dhe familjes së tij. Në shtëpinë e Eljo Bitrit jam takuar me Arjan Spahiun, njëri i afërm i Erjon Alibejt për të sqaruar që nuk isha unë personi që ka qëlluar në drejtim të vellait të tij dhe familjarëve
Kur kam takuar Erjon Alibejn nuk shkuam për të bërë pazare për vrasje. Unë shkova të takoja Erion Alibejn për të negociuar për të vrarë Talo Çelën dhe Altin Ndocin, nuk doja t’i vrisja këta me dorën time. Doja t’i vriste Erjoni me njerëzit e tij. Pas takimit me Erjonin ndryshoi gjithçka dhe vendosëm të dy që të eleminonim kundërshtarët, tha Dumani.
