Policia e Tiranës kreu me sukses operacionin “Gold”, duke parandaluar përshkallëzimin e një konflikti të rrezikshëm mes dy personave në kryeqytet.
Ngjarja ndodhi në Rrugën e Kavajës, ku 45-vjeçari F.G., banues në Tiranë, u përfshi në një përplasje fizike me 38-vjeçarin N.M., të cilin e goditi me thikë për arsye të vogla. I plagosuri mori ndihmë mjekësore dhe ndodhet jashtë rrezikut për jetë.
Pas ngjarjes, F.G. u kthye në banesën e tij, ku u gjet se mbante pa leje një armë zjarri tip kallashnikov, të cilën e kishte fshehur më pas në rrugën “Mujo Ulqinaku” së bashku me thikën që përdori në konflikt.
Falë punës së Komisariatit të Policisë Nr. 3, autori u arrestua dhe u sekuestruan arma e zjarrit dhe mjeti prerës që përdori.
