Një plagosje me thikë është regjistruar në fshatin “Lapardha 2”. Bëhet me dije se dy personat janë konfliktuar me njëri-tjetrin për motive banale. Gjithashtu ngjarja ka ndodhur në një lokal të fshatit. Pasi kanë konsumuar alkool në lokal, ata janë konfliktuar brenda ambienteve të lokalit, fillimisht me fjalë dhe më pas janë konfliktuar edhe jashtë ambienteve të lokalit me grushta e shkelma, derisa 42-vjeçari Elton Cani e ka qëlluar me mjet prerës (thikë) 40-vjeçarin Leonard Duka.
I plagosuri është transportuar me ambulancë drejt Spitalit Rajonal Berat, ku pasi ka marrë mjekim dhe ndodhet jashtë rrezikut për jetën. Autori është larguar nga vendngjarja, në përpjekje për t’i shpëtuar policisë, e cila pas ndjekjes e kapi dhe arrestoi në kohë rekord 42-vjeçarin Elton Cani.
