Një ngjarje e rëndë ka ndodhur ditën e sotme në qytetin e Kavajës, në lagjen nr.4 të këtij qyteti. Një 50-vjeçar ka mbetur viktimë e një përplasjeje me armë zjarri.
Pas ngjarjes së Kavajës në mesditë, një tjetër ngjarje e rëndë është shënuar pak minuta më parë në qytetin e Shkodrës në lagjen “Qemal Stafa”
Një 19-vjeçar ka mbetur i plagosur me thikë pas një konflikti.
Sipas njoftimit të Policisë, 19-vjeçari Igli Pallosha, banues në lagjen “Vojo Kushi”, ndodhet në sallën e operacionit në gjendje të rëndë për jetën.
Ende nuk është bërë i ditur emri i autorit apo autorëve të ngjarjes si dhe arsyet e këtij konflikti.
Policia ka mbërritur në vendin e ngjarjes për të zbuluar shkaqet dhe rrethanat e saj.
Informacion Paraprak
Më datë 04.07.2019, ora 13:10, ka shkuar në Spitalin Rajonal Shkodër në gjendje të rëndë, i plagosur me thikë shtetasi I. P, 19 vjeç, banues në lagjen “Vojo Kushi”, Shkodër dhe ndodhet në sallën e operacionit.
Nga veprimet e para hetimore dyshohet se është plagosur gjatë një konflikti në lagjen “Qemal Stafa” Shkodër.
Në vendngjarje ndodhet grupi hetimor ku vijon puna për zbardhjen e rrethanave të ngjarjes, identifikimin dhe kapjen e autorit/ëve.
