Mëngjesin e sotëm kreu i Bashkisë së Divjakës ka mbetur i plagosur me thikë si pasojë e një debate që ka pasur me ish-punonjësin e IT-së. Fredi Kokoneshi së bashku me shoferin e tij gjenden tashmë në spitalin e Lushnjës, teksa ka mbërritur edhe kreu i grupit Parlamentar të PS-së, Taulant Balla, i cili ka vizituar të plagosurit.
Balla bën me dije se Kokonëshi ndodhet jashtë rrezikut për jetën. Balla e cilësoi autorin si një të “çmendur”, ndërsa bëri thirrje që drejtësia dhe policia të bëjnë punën e vetë. “Mjaft duke vrarë njëri tjetrin”, theksoi Balla.
“Të dy janë nënshtruar ndërhyrje kirurgjikale shpresoj që çdo gjë të shkojë mirë për të dy. Është një ngjarje e rëndë. Është produkt i kësaj ndasie dhe përçartje që ndodh çdo ditë. Shpresoj që çdo qytetar shqiptar ta kuptoj që në këto ditë të vështira luftë të jemi të bashkuar dhe jo të përçare. Ju mediat keni një huq shumë të keq! Dhe kur ka fatkëqësi ju e çoni gjuhën mbrapsht. Lëreni policinë dhe drejtësinë të bëjë punën e vet. Dy persona luftojë për jetën. Nuk e di se kush është arsyeja di që një i çmendur ka marrë thikën dhe ka shkuar të godasë! Burimi i kësaa ndasie dhe urrejtje duhet të ndalet”, deklaroi Balla nga spitali i Lushnjës.
