Një ngjarje tragjike me një viktimë ka ndodhur mbrëmjen e djeshme në zonën “Don Bosko” të Tiranës.
Disa persona qëlluan me armë zjarri në një lokal në Tiranë duke lënë të vdekur 35-vjeçarin Erion Çela, si dhe të plagosur shtetasit Arben Dani, 46 vjeç, Azbi Selmani, 19 vjeç, Blerim Çela, 28 vjeç dhe Edmond Crroj, 41 vjeç.
“News 24” është rikthyer sot në vendnin e ngjarjes, në lokalin ku një ditë më parë, mbeti i vrarë një person dhe u plagosën 4 të tjerë.
Në lokal, ende janë të dukshme shenjat e krimit të një dite më parë, ndërsa një prej fasadave të xhamit, është hequr, pasi u bë shoh nga plumbat.
Sipas burimeve nga vendngjarja,viktima e krimit, Erion Çela, i cili më parë mbante edhe emrin Adriatik, konsumonte cdo mëngjes kafen në këtë lokal, ku ngjitur me të kishte biznesin e tij, një dyqan tabachino.
Mësohet se 35 vjeçari ishte në tavolinë me të vëllanë e tij, Blerim Çela, dajën Edmond Crroj i skeduar me precedentë në Itali, si edhe një mik të tyre, i cili kishte ardhur nga Durrësi, për të konsumuar një kafe me ta.
Gjithashttu sot është zbardhur detaji që targat e mjetit me të cilën lëvizën autorët ishin të vjedhura në Vorë.
Kujtojmë që viktima Erion Çela priste të bëhej baba i një vajze
