Deri në orën 10 të ditës së sotme te Infektivi dhe te pediatria janë regjistruar mbi 100 pacientë.
Sipas analizave, pacietët ishin të infektuar me salmonelë.
Kjo e fundit mendohet se ka ardhur për shkak të kontaminimit të ujit të autoboteve, shkruan “TCH”.
Ashtu si fëmijët edhe të rriturit pohuan se kanë konsumuar ujin e autoboteve.
Shenjat e tyre janë të vjella dhe diarre.
Deri më tani askush nuk ka marrë masa për ndalimin e autoboteve.
Ndërkohë ministria e Shëndetësisë, ka thënë për mediat, se numri i pacientëve në krahasim me disa ditë më parë është ulur.
Autoritetet shëndetësore kanë bërë apel të mos konsumohet uji i autoboteve, pasi nuk trajtohet pranë impiantit të Bovillës.
Uji i autoboteve u shitet konsumatorëve me çmim më të lirë sesa ai i ambalazhuar, cilësia e të cilit sërish ngre pikëpyetje.
