Personat më të rrezikuar nga Covid-19 ka të ngjarë të kenë nevojë për një dozë të tretë përforcuese të vaksinës Pfizer / BioNTech gjatë vitit, sipas shkencëtarëve në Britani.
Pas dozës së parë të vaksinës, 32% e personave të vaksinuar – një në tre kishin zhvilluar antitrupa ndaj variantit Indian Delta, krahasuar me 79% e personave të vaksinuar kundër virusit origjinal të zbuluar në Wuhan.
“Ajo çfarë është më e rëndësishmja nga vaksinimi është që të ulet numri i të shtruarve në spital,” tha specialistja e sëmundjeve infektive UCL Emma Wall.
“Gjetjet tona tregojnë se mënyra më e mirë për të arritur këtë është vaksinimi i shpejtë dhe marrja e dozave të treta përforcuese opër personat më të rrezikuar”.
Ndërsa në Kili, vaksina AstraZeneca do të përdoret vetëm për personat mbi 45 vjeç, sipas një vendimi të qeverisë së Kilit. Gjithashtu vendi do të pezullojë administrimin e dozave të dyta derisa autoritetet të përfundojnë hetimet në lidhje me rastin e një burri që kishte zhvilluar mpiksje gjaku pas dozës së parë.
Kili mori dozat e para të vaksinës AstraZeneca-Oxford në Prill. Rregullatorët fillimisht miratuan vaksinën për meshkujt mbi 18 vjeç dhe femrat mbi 45 vjeç. Të enjten, ministria e shëndetësisë tha se një 31-vjeçar kishte zhvilluar mpiksje gjaku shtatë ditë pas dozës së parë të AstraZeneca.
Hetuesit kilian thanë në prill se nuk kishin gjetur asnjë rast të mpiksjes së gjakut në mesin e 2,200 pjesëmarrësve që morën pjesë në një provë klinike AstraZeneca në vendin e Amerikës së Jugut
