Në SHBA është rikthyer sërish ‘skenari’ i karantinës së muajve mars-prill. Pas ardhjes së valës së dytë të pandemisë dhe shtimit të rasteve të reja me Covid-19, qytetarët amerikan i ka zënë paniku.
Mediat amerikane raportojnë se situata, po përkeqësohet në një kohë kur shifrat e viktimave po rriten në mënyrë dramatike dhe situata politike, me Donald Trump që refuzon të pranojë humbjen, e bën të vështirë hartimin e një plani efektiv.
Paniku vihet re dukshëm jo vetëm përmes numrave, por edhe në jetën e përditshme. Ndërkohë njerëzit shkojnë në supermarkete të pushtuar nga frika dhe blejnë pa masë letër higjienike, dezinfektues dhe ushqim.
Skenat e kaosit mbizotërojnë në supermarkete nëpër disa qytete të mëdha si Washington, California, Virginia, Indiana dhe New Jersey.
Për shkak të situatës së rënduar, shumë guvernatorë, nga New Jersey në California dhe Ohio, kanë vendosur masa më të rrepta për të kufizuar tubimet në lidhje me Ditën Falenderimeve dhe më pas për Krishtlindje e për Vitin e Ri./Gazetareforma.com/
