Një përplasje me armë ka ndodhur mbrëmjen e djeshme mes dy vëllezërve në Divjakë, e cila dyshohet të ketë shpërthyer për shkak të një mosmarrëveshjeje mbi pronën.
Fillimisht, Shpëtim dhe Zarif Konja u përplasën me grushte, por më pas situata degjeneroi dhe përfundoi me përdorimin e armëve.
Shpëtim Konja, pas dhunës fizike nga i vëllai Zarif dhe shoku i tij Astrit Godanci, mori një karabinë dhe qëlloi katër herë në ajër dhe në drejtim të automjetit të Godancit.
Fatmirësisht, nga të shtënat nuk ka pasur të lënduar, por ka pasur dëme materiale në fuoristradën e njërit nga agresorët.
Policia ka ndaluar Shpëtim Konjën, ndërsa Zarif Konja dhe Astrit Godanci janë ende në arrati. Autoritetet kanë nisur hetimet dhe po punojnë për kapjen e tyre.
