Reshjet e dendura të shiut kanë shkaktuar vërshime uji në disa pjesë të Kosovës, që kanë vështirësuar qarkullimin në disa rrugë.
Një gjë e tillë ka ndodhur edhe në lagjen “Dardania” në qytetin e Gjakovës. Në fotot e publikuara në mediat kosovare, shikohet se si makinat janë fundosur nga uji dhe shtëpitë janë përmbytur nga reshjet e shiut.
Deri më tani janë raportuar situata të rënduara në hyrje-daljet e qytetit, tek rruga “Qazim Bakalli”, tek Ura që lidh Bllokun e Ri me Shkugëzen, kemi bllokim të rrugëve “Fehmi Agani” dhe “Gaspër Karaqi” si dhe paralagjia Brekoc.
Disa banorë kanë pasur nevojë edhe për evakuim, ndërsa numri i shtëpive të përmbytura është i madh.
Komuna ka lutur qytetarët për kujdes ndërsa ka kërkuar nga qytetarët që të telefonojnë në Qendrën e Thirrjeve Emergjente përmes numrit 112 në rast të vështirësive.
Ndërkohë nga policia Rajonale e Gjakovës kanë njoftuar se shumë vetë kanë pasur nevojë edhe pēr evakuim, disa rrugē janē tē mbyllura ndērsa numri i shtēpive tē pērmbytura ēshtē mjaft i madh.
Komuna e Drenasit raporton se ka përmbytje të disa shtëpive dhe tokave bujqësore.
Nënkryetari i Komunës së Malishevës së Malishevës, Hajdin Berisha, e ka mbajtur një takim urgjent me Këshillin e Drejtorëve, ku është raportuar për gjendjen nga reshjet atmosferike në Komunën e Malishevës. Nënkryetari Berisha. Ai ka bërë të ditur se janë në kontakt edhe FSK-në dhe AME, dhe në rast nevoje do të kërkohet ndihma e tyre. Drejtori i Drejtorisë për Mbrojtje dhe Shpëtim, Hafir Rexha, ka bërë të ditur se disa rrugë janë të bllokuara, ndërsa deri në mesditë është intervenuar në gjashtë raste, përfshi edhe objekte banimi.
https://streamable.com/mzoyyi
