Një aksident i rëndë ka ndodhur këtë të premte në Dibër, teksa një 18-vjeçar ka humbur kontrollin e mjetit, duke dalë nga rruga. Për pasojë ka humbur jetën pasagjeri që po udhëtonte me të riun
Mësohet se aksidenti ka ndodhur pranë fshatit Melan, ndërsa mjeti i 18-vjeçarit që e drejtonte është batuar dhe ka përfunduar në përrua.
Kujtojmë se ky aksident është i disati nëpër rrugët e Shqipërisë. 2 ditë më parë një aksident I rëndë ndodhi në rrethrrotullimin e TEG-ut ku humbën jetën 3 të rinj, pasi mjeti me shpejtësi mbi 200 km/h çau barrierën e mbikalimit dhe fluturoi duke u përplasur me murin anësor. Ndërkohë një aksident me vdekje ndodhi në Kavajë dhe pak orë më pas një betoinere në Durrës shtypi në person që po lëvizte me biçikletë. Në shumicën e rasteve të fundit factor kryesor ka qenë shpejtësia.
Njoftimi i policisë:
Sot, rreth orës 14:15 në rrugën dytësore të fshatit Melan, shtetasi R.K., 18 vjeç, duke drejtuar automjetin tip “Golf”, ka humbur kontrollin mbi drejtimin e mjetit dhe mjeti ka dalë nga rruga.
Si pasoje e aksidentit ka humbur jetën pasagjeri shtetasi A.S., 20 vjeç.
Në vendngjarje ndodhet grupi hetimor, i cili po kryen veprimet e mëtejshme në lidhje me zbardhjen e rrethanave të aksidentit.
