Konferenca e Kryetarëve, e zhvilluar sot nën drejtimin e kryetares së Kuvendit, Elisa Spiropali, kishte në qendër të diskutimeve projektprogramin e punës së Kuvendit për periudhën 29 maj–8 korrik 2025, si dhe projektkalendarin e punimeve nga 29 maj deri më 18 qershor.
Megjithatë, mbledhja përfundoi pa një dakordësi për miratimin e planit dhe kalendarit të punës së Kuvendit deri më 5 korrik.
Sipas rregullores, këto dokumente do t’i kalojnë për miratim seancës plenare, ku pritet të miratohen falë shumicës parlamentare që zotëron mazhoranca.
Kjo procedurë lidhet me afatet kushtetuese, të cilat ndalojnë miratimin e ligjeve brenda 60 ditëve nga përfundimi i legjislaturës aktuale dhe gjithashtu 60 ditë përpara mbledhjes së legjislaturës së re të dalë nga zgjedhjet e 11 majit.
