Për të gjithë ata që nuk kanë përfituar ende nga paketat ekonomike të qeverisë për COVID-19, afati i fundit do të jetë 25 gushti.
Data 25 gusht 2020 është afati i fundit i paraqitjes së ankesave për përfitim të ndihmës financiare sipas Paketave 1 dhe 2.
Drejtoria e Përgjithshme e Tatimeve ka njoftuar qytetarët që të kontrollojnë llogaritë në e-filling, për të parë nëse të dhënat janë plotësuar në mënyrë të saktë.
Njoftimi i Tatimeve:
25 Gusht 2020, afati i paraqitjes së ankesave për përfitim të ndihmës financiare
Drejtoria e Përgjithshme e Tatimeve njofton të gjithë tatimpaguesit dhe individët e interesuar se data 25 gusht 2020 është afati i fundit i paraqitjes së ankesave për përfitim të ndihmës financiare sipas Paketave 1 dhe 2.
Administrata Tatimore do të vijojë me procesin e trajtimit të ankesave/kërkesave të dërguara nga çdo tatimpagues apo individ duke siguruar korrektesën dhe përkushtimin maksimal për përfundimin nё kohё dhe sa mё parё tё këtij procesi brenda afateve tё caktuara.
Ftojmë të gjithë tatimpaguesit, tё kontrollojnë llogarinë e tyre në e-filling, për të verifikuar mundësinë e korrigjimit të të dhënave të llogarive bankare, të individëve përfitues, për të cilët ky informacion ishte plotësuar në mënyrë të pasaktë.
