Një mbledhje shumë e rëndësishme ka ndodhur mbrëmjen e sotme në Elbasan, ku kryeministri Rama ka mbledhur ministrat e tij.
Deri më tani nuk ka asnjë deklaratë zyrtare se cila është arsyeja e mbledhjes apo agjenda e vendosur, por burime pranë qeverisë kanë pohuar se në qendër të diskutimit do jenë tema të tilla si: situata politike e krijuar në vend, kongresi i 23 marsit të Partisë Socialiste dhe zgjedhjet vendore të 30 qershorit.
Temë e këtij takimi janë edhe projektet për Elbasanin në veçanti. Gjatë Ditës së Verës, kryeministri Rama ka planifikuar një agjendë të ngjeshur për festën. Nga vizitat në panair e ekspozita e deri në shijimin e një kafeje në Kalanë e Elbasanit.
Mirëpo a do të kemi një përplasje “titanësh”? Ditën e nesërme i pranishëm në qytetin e Elbasanit do të jetë edhe kreu i PD-së, Lulzim Basha, i cili ka bërë publike agjendën, e cila ndryshe nga ajo e kryeministrit ka takime me qytetarët.
