Agjencia Europiane e Barnave (EMA) ka përditësuar të dhënat, në lidhje me përpjekjet për gjetjen e një vaksine ndaj COVID-19.
Për momentin sipas EMA, në Europë po aplikohen 40 terapi të ndryshme, ndërsa po zhvillohen 12 projekte kërkimore për gjetjen e vaksinës.
Deri më tani, asnjë medikament nuk ka qenë efikas për kurimin e COVID-19.
EMA specifikon, se në mesin e medikamenteve të përdorura është ilaçi kundër HIV, kundër malaries, kura për trajtimimin e artritit dhe sëmundjeve nervore.
Sipas Agjencisë, do të duhet të paktën një vit për zbulimin e vaksinës dhe shumëfishimit të saj, për t’u përdorur tek pacientët.
Në Kinë ndërkohë ka nisur testimi te 108 persona i vaksinës kundër COVID-19.
Vaksina kundër COVID-19 testohet te 108 pacientë në Kinë, ja kur do të mësojmë rezultatin
Në rang global koronavirusi ka prekur mbi 873 mijë persona, ndërsa numërohen 43.294 viktima dhe 184.937 të shëruar.
Në Europë shteti më i prekur është Italia dhe më pas Spanja.
Në vendin tonë ndërkohë sipas ekspertëve rritja është normale dhe nuk kemi prekur akoma pikun.
