Një ditë para zhvillimit të protestës, pensionistët janë mbledhur para Kryeministrisë, ku kanë mbajtur një deklaratë për mediat.
Ata kanë bërë thirrje për pjesmarrje masive që studentët dhe të rinjtë të bashkohen
Nje pensionist është shprehur:
“Rama na urren ne dhe shqiptarët. Duke thirrur ca dordoleca qe e lavdërojnë, ka bërë përçarje. Të dalin nesër këtu e të protestojnë. Të rinjtë e studentët të vijnë e të na mbështesin në këtë protestë, se ky dikator s’merr vesh me fjalë, do masivitet. Nëse në dy protesta kanë dalë mbi 500 pensionistë, ata barazohen me 500 pensionistë militantë të partisë.
500 pensionistë janë si 500 spartanët përballë pensionistëve militantë. Militantët lodhen, ne s’jemi të lodhur e as të paguar. Duke heshtur, mos kujtojë se do lodhemi. Na ka përbuzur, na ka torturuar ky diktator i pamëshirshëm. Nesër në ora 10 të gjithë, edhe të pamundurit të dalim ta bllokojmë, se s’ka ku të shkojë. Atij i ka hyrë ujë nën këmbë.”, kanë thënë ata për mediat.
Protesta e fundit e pensionistëve u mbajt më 30 tetor, para kryeministrisë. Pensionistët e mbledhur nga i gjithë vendi kanë kërkuar rritjen e pensioneve si dhe miratimin e një minimumi jetik.
