Ministri i Mbrojtjes, Niko Peleshi ka falenderuar ambasadoren amerikane Yuri Kim për ndihmën që SHBA-të i kanë dhënë vendit tonë në përballje me zjarret. Peleshi shkruan në një postim në Facebook se e ka pritur sot në bazën e Pashalimanit ambasadoren, me të cilën ka ndarë shqetësimin për gjendjen. Ministry shpreh mirënjohje për kontributin e ekipit amerikan të ekspertëve nga Byroja për Ndihmë Humanitare e USAID që kanë ardhur në shqipëri për të ndihmuar në përpjekjet e koordinimit dhe përgjigjes ndaj flakëve.
“SHBA është në krah të Shqipërisë edhe / në këtë situatë të vështirë me zjarret, që ka prekur vende të ndryshme të botës.
Prita sot, në bazën e Pashalimanit ambasadoren Yuri Kim, me të cilën ndamë shqetësimin për gjendjen. E falenderova ambasadoren për ndihmën që SHBA ka dhënë në pajisje dhe jo vetëm, për emergjencat civile.
Mirënjohje për kontributin e ekipit amerikan të ekspertëve nga Byroja për Ndihmë Humanitare e USAID, të cilët kanë ardhur në Shqipëri për të ndihmuar me përpjekjet e koordinimit dhe përgjigjes ndaj flakëve”, shkruan Niko Peleshi në postimin e tij.
Ambasadorja Yuri Kim shprehu më herët mbështetjen e SHBA-ve dhe konfirmoi se populli amerikan është krah Shqipërisë në këto momente të vështira të përballjes me zjarret.
