Partitë në vend janë duke marrë shembuj ndërkombëtarë të cilët kanë rezultuar të suksesshme dhe të njëjtën gjë ka bërë edhe Partia Demokratike.
Ditën e sotme është bërë publik mënyra e votimit të kandidatëve nga anëtarësia, procedurë e cila është e njëjtë me modelin konservator britanik, pra do të kalojë në tri faza.
Bëhet e ditur se në fazën finale, pra në fazën e tretë i pranishëm do jetë edhe Davis Jones, Kryevlerësuesi i Komitetit të Seleksionimit të Kandidatëve të Partisë Konservatore Britanike dhe Joy Morrissey, ish kandidate konservatore për Bashkinë e Londrës.
Në deklaratën e nxjerrë nga Partia Demokratike, praninë e dy përfaqësuesve të lartë të Partisë Konservatore e quajnë të domosdoshme, pasi kështu do mund të njihen më mirë me një metodë të cilët konservatorët kanë kohë që e përdorin.
Seleksionimi i kandidatëve të PD, do të bazohet në tre faza kyçe:
- Ngritjen e komisionit të seleksionimit të kandidatëve;
- Përcaktimin e kritereve dhe standardeve për aplikantët që duan të kandidojnë;
- Procesin e seleksionimit të kandidatëve përpara votimit nga anëtarësia.
Deri më tani, sipas PD-së asnjë parti në vendin tonë nuk ka zbatuar standarde perëndimore në përzgjedhjen e anëtarëve dhe fakti që Partia Demokratike po e bën, do të thotë se që këtej e tutje procesi do të jetë transparent, demokratik dhe i bazuar në meritë.
Pra e thënë me fjalë të pakta, PD është duke bërë Vetting brenda partisë.
