Deputetët e Partisë Demokratike braktiën sallën e Kuvendit gjatë seancës së sotme parlamentare, ndërsa lidhur me këtë ka reaguar edhe Taulant Balla. Kreu i grupit parlamentar socialist tha se shpreson që kjo ngjarje të mos përsëritet. Balla tha se nuk ka pse gjenden arsye të kota për të bërë debat dhe për t’u larguar.
Ndërkohë, Balla tha se propozoi që t’i jepej më shumë kohë LSI-së që nuk mundën të propozonin anëtarë të komisioneve. Kujtojmë që LSI nuk arriti të plotësonte numrin prej 7 deputetësh për të formuar grupin e saj parlamentar, ndërsa PD nuk “i huazoi” deputetë, siç bëri me aleatët e tjerë.
Nuk e fsheh keqardhjen lidhur me arsyen për të u larguar nga një seancë që është dakortësi e plotë. Se grupet parlamentare miratojnë propozimet e tyre. Rregullorja përcakton qartë se në këtë seancë nuk do ketë debat. Përcaktohet qartë që opozita ndiqet parimi që ka nga një debatet në komision. Dhe e drejta e mazhorancës për të pasur një deputet në më shumë se dy komisione për të ruajtur shumicën. Unë propozova për më shumë kohë për LSI që nuk mundën të propozonin anëtarë të komisioneve. Megjithatë shpresoj që kjo ngjarje të mos përsëritet më dhe do e them që koha për debate ka përfunduar. Kemi një mandat të rëndësishëm dhe PD ka një mandat tjetër në opozitë. Nuk do gjejmë arsye kot për të bërë debat dhe për tu larguar. Dëshira jonë ishte që komisionitet të fillojnë punë por do kemi edhe një seancë tjetër. Dhe do kemi edhe dy grupe të tjera parlamentare. Do jemi barazim edhe pse shqiptarët kanë përcaktuar se kush është shumica. Megjithatë në jemi të gatshëm që edhe pas kësaj shprehje dhe gjuhe të papranueshme nga opozita ne do kemi dëshirë për të punuar dhe gjetur rrugë të komunikimit dhe dialog konstruktiv”, tha Balla.
