Partia Demokratike ka ankimuar rezultatin për Shkodrën në Kolegjin Zgjedhor, ndërsa seanca është caktuar më datë 10 qershor. PD kërkon pavlefshmërinë e zgjedhjeve të 25 prilli dhe kërkon përsëritjen e tyre në Qarkun Shkodër.
Teksa pas ankimimit Kolegji Zgjedhor ka vendosur ta shqyrtojë të premten më 10 qershor. Më herët Kolegji Zgjedhor ka rrëzuar paditë e PD dhe LSI për shpalljen e pavlefshme të zgjedhjeve të 25 prillit në Vlorë dhe në Gjirokastër. Madje trupa gjykuese nuk pranoi as kërkesën e PD për marrjen e provave shtesë për qarkun e Vlorës.
PD dhe LSI vijojnë me ankimimet në Kolegjin Zgjedhor për 9 qarqe ku kërkon prova shtesë nga institucionet dhe shpalljen e pavlefshme të zgjedhjeve në këto zona zgjedhore. Më herët vendimin e KAS për qarkun e Gjirokastrës e ankimoi edhe Lëvizja Socialiste për Integrim që kërkoi ripërtëritjen e zgjedhjeve për Qarkun e Gjirokastrës në Bashkinë e Dropullit dhe shpalljen e pavlefshme të zgjedhjeve për gjithë qarkun.
Komisioni i Ankesave dhe Sanksioneve i rrëzoi kërkesat e PD dhe LSI duke i shpallur të vlefshme zgjedhjet. Gjithashtu LSI ka hedhur akuza edhe jetë shqyrtimit të çështjes në KAS për moslejimin e emigrantëve për të votuar në zgjedhje si dhe kishte indicie edhe për votim të dyfishtë. Deri më tani për dy qarqe Kolegji Zgjedhor nuk ka pranuar kërkesat e opozitës kurse KAS nuk shpalli zgjedhje të pavlefshme në asnjë qark të vendit.
