3 ditë pas zgjedhjeve vendore në Peqin ka “krisur” arma e zjarrit. Bëhet me dije se i plagosur ka mbetur 55-vjeçari Diell Çela. Forcat blu raportojnë se ky person, u paraqit në orën 11:00 në spitalin e Peqinit për të marrë ndihmë mjekësore pasi ishte plagosur me armë zjarri. Çela, aktualisht po merr ndihmë mjekësore dhe ndodhet jashtë rrezikut për jetën.
Ndërkohë që mësohet se autori është 52-vjeçari Sokol Dehima, i cili gjatë konfliktit plagosi me armë Çelën. Policia ka ngritur pika kontrolli dhe janë duke kontrolluar territorin, me qëllim kapjen e autorit të dyshuar. Aktualisht, Çela është jashtë rrezikut për jetën, si dhe po merr ndihmë mjekësore në spitalin e Peqinit. Ende është e paqartë se përse nisi konflikti mes Çelës dhe Dehimës.
NJOFTIMI I POLICISË:
Rreth orës 11:10, në spitalin e Peqinit, është paraqitur për të marrë ndihmë mjekësore dhe ndodhet jashtë rrezikut për jetën, shtetasi D. Ç. 55 vjeç, banues në Peqin, i cili dyshohet se është dëmtuar me armë zjarri, gjatë një konflikti me shtetasin S. D., rreth 52 vjeç, banues në Peqin.
Shërbimet e Policisë kanë ngritur pika kontrolli dhe janë duke kontrolluar territorin, me qëllim kapjen e autorit të dyshuar, shtetasit S. D. Grupi hetimor, në drejtimin e Prokurorisë, po punon për zbardhjen e rrethanave të ngjarjes.
