Vendi ynë ka pritur këto ditë tre avionët e parë të cilët kanë mbërritur gjatë orëve të vona të natës. Refugjatët afganë janë strehuar në hotelet e qytetetit bregdetar në Durrës, ndërsa këta të fundit mendohet se do të strehohen në konviktet e Qytet Studentit.
Pas Shqipërisë edhe Kosova do të presë sot grupin e parë më 100 afganë i cili do të mëbrrijë gjatë prës 19:00 në aeroportin e Prishtinës. Zëri i Amerikës ka mësuar se bëhet fjalë për pak më shumë se 100 persona.
Autoritetet ende nuk kanë bërë të ditur ndonjë informatë shtesë për vendstrehimin e tyre por kanë informuar për mediat se numri i përgjithshëm që do të strehojnë është rreth 2 mijë qytetarë afganë.
Qeveria e Kosovës ka miratuar kërkesën “për dhënien e mbrojtjes së përkohshme dhe të menjëhershme personave të rrezikuar nga konflikti i brendshëm në Afganistan, të cilët janë në proces të aplikimit për Viza të Veçanta Imigruese (SIV) – të Shteteve të Bashkuara të Amerikës, përfshirë familjet e tyre”.
Shtetet e Bashkuara kërkuan nga Kosova dhe Shqipëria që të pranojnë një numër afganësh që kanë punuar me forcat amerikane, të cilët ndjehen të frikësuar nga hakmarrja e talebanëve, që morën nën kontroll vendin pas tërheqjes së trupave të huaja.
