Mëngjesin e sotëm EULEX dhe policia e Kosovës kanë bastisur banesën e presidentit që dha dje dorëheqjen, Hashim Thaçi, ish-liderit të Partisë Demokratike të Kosovës, Kadri Veseli dhe kryetarit të grupit parlamentar të Lëvizjes Vetëvendosje, Rexhep Selimi.
E gjithë kjo vjen pasi Gjykata Speciale e Hagës konfirmoi aktakuzat për rreth 100 krime lufte ndaj popullsisë civile gjatë luftës Kosovë-Serbi dhe më pas.
Me anë të një komunikate për media, Specialja ka thënë se Zyra e Prokurorit të Specializuar po kryen operacione në Kosovë dhe se kanë mbështetje nga Policia e Kosovës dhe EULEX-i.
“Zyra e Prokurorit të Specializuar (ZPS) aktualisht është duke kryer operacione në Kosovë. Operacionet e ZPS-së po kryhen me mbështetjen e Policisë së Kosovës dhe Misionit të Bashkimit Evropian për Sundimin e Ligjit në Kosovë (EULEX). Më shumë informacion do të jepet më vonë”, thuhet në komunikatën për media.
