Teksa pësoi humbje në zgjedhjet lokale të 14 Majit, ish-kandidati për kryetar bashkie në bashkinë e Tiranës ka dhënë një dekaratë për mediat nga selia blu.
Pasi akuzoi qeverinë për presion dhe manipulim të zgjedhjeve, ai gjithashtu u shpreh se qëllimi i mbledhjes së Kryesisë është që të evdientohen të gjitha problematikat në procesin zgjedhor si dhe të reflektohet se çfarë nuk shkoi mirë brenda partisë.
I gjendur përballë pyetjes “A duhet të japë Berisha dorëheqjen”, Këlliçi ka deklaruar se reflektimi nuk lidhet me dorëheqje, duke vënë theksin se do të zbatohet statuti i PD-së. “Ne në periudhë reflektimi jemi por kjo nuk do të thotë se vjedhja e zgjedhjeve nuk ka ndodhur, e nuk ka pasur manipulim, dhe që sot nuk ka socialist të pakënaqur. Mbledhja e kryesisë sot do të adresojë të gjithë problemet, nisur me ato para procesit zgjedhor, gjatë procesit zgjedhor dhe pas. Duhet të gjendet mënyra që ne të kapërcejmë çdo hatër mbetje e çdo pakënaqësi që kemi me njëri-tjetrin e të bashkohemin të gjithë faktorët”, shprehet Belind Këlliçi.
A lidhet reflektimi me dorëheqjen e Berishës?
Belind Këlliçi: Reflektim do të thotë se çfarë nuk ka shkuar mirë brenda nesh, në lidhje me lidershipin mjafton ti referoheni statutit të PD e i merrni përgjigjet. Ka ikur koha e dëshirave personale, kjo është një çështje reflektimi që duhet të shohim se çfarë ka shkuar mirë.
