Ditën e sotme pas vizitës në Gjermani, kryeministri Edi Rama do të zhvillojë vizita zyrtare në Azerbajxhan dhe Turqi. Mësohet se nesër në mëngjes, rreth orës 07:00 kryeministri Rama niset drejt Azerbajxhanit në një vizitë dy ditore për të zhvilluar disa takime me drejtues të lartë të politikës vendase për të rritur bashkëpunimin mes dy vendeve.
Gjatë vizitës së tij, Rama do ketë një takim “kokë më kokë” me presidentin e vendit, Ilham Aliyev, do shkojë në memorialin e varrezave të dëshmorëve, dhe më pas do të takohet me kryetaren e Kuvendit dhe kryeministrin e Azerbajxhanit. Më pas, të premten do të fluturojë në Stamboll, në atë që do të jetë një takim i posaçëm me përfaqësues të kompanisë “Tubitak” që prodhon raketa për dronët “Bayraktar”.
Në Azejbarxhan, pritet që lufta në Ukrainë të jetë kryetemë diskutimi, lufta në Ukrainë, si dhe ndikimi në ekonomi mendohet se do jetë një nga temat e diskutimit. Azerbajxhani, dikur pjesë e Bashkimit Sovjetik është një nga vendet prodhues të gazit dhe siç është deklaruar më parë planifikon të rrisë eksportin e gazit me 11 përqind këtë vit për të zëvendësuar eksportet ruse.
Axhenda e vizitës zyrtare së Kryeministrit të Shqipërisë, EDI RAMA në Azerbajxhan, dhe vizitës së punës në Turqi – Baku/Stamboll, 14-15 Prill 2022
E enjte, 14 prill
07.00 – Fluturim i posaçëm drejt aeroportit ndërkombëtar “Heydar Aliyev”
13.40 – Takim tete-a-tete me z. Ilham Aliyev, President i Republikës së Azerbajxhanit
16.00 – Vizitë në memorialin e varrezave të dëshmorëve
16.30 – Takim bilateral me znj. Sahiba Gafarova, Kryetar i Kuvendit të Republikës së Azerbajxhanit
18.00 – Takim bilateral me z. Ali Asadov, Kryeministër i Republikës së Azerbajxhanit
E premte, 15 prill
11.00 – Fluturim i posaçëm drejt aeroportit të Stambollit
13.30 – Takim me përfaqësues të kompanisë “Tubitak”
