Besimtarët ortodoksë kanë kremtuar Pashkët mesnatën e mbrëmshme. Pas rreth 2 vitesh mungesë si pasojë e pandemisë, këtë herë, besimtarët ortodoksë kanë mbushur kishat në qytete të ndryshme të vendit, duke uruar për paq, mbarësi dhe harmoni në familjet shqiptare.
Në Lushnje qindra besimtarë iu bashkuan meshës së shenjtë të vigjiljes së kësaj feste, e cila u mbajt në kishën e Shën Gjergjit.
Edhe në Elbasan besimtaret ortodoks kremtuan festën e ringjalljes së Krishtit. Në mesnatë në te gjitha kishat ortodokse qytetarë të shumtë zhvilluan meshat e shenjta me rastin e pashkëve, që përkujtojnë ringjalljen e Krishtit pas të premtes së zezë.
Në kishën e Shën Thanasit ishin mbledhur qindra besimtarë, të cilët ndoqën nga afër meshën e drejtuar nga Metropoliti i Elbasanit , Shpatit dhe Librazhdit Imzot Andoni. Përmes fjalës së tij Metropoliti dërgoi një mesazh urimi për të gjithë besimtarët.
Besimtaret ortodokse festuan pashket ne kishen Shen theodhori ne vlorë. Mesha e shenjtë u mbajt në kishen e shen theodhorit ne Vlorë ndërsa pjesë e titualit kanë qenë qindra besimtarë. Atë Konstandin Prifti ka uruar: gëzuar pashket “krishti u ngjall”!
Në Korçë mijëra besimtarë ortodoksë morën pjesë në meshën e kremtimit të pashkëve, teksa u vu re një numër shumë i lartë i tyre në kishën më të madhe të qytetit. Besimtarët uruan paqe në botë, mbarësi dhe harmoni në familjet shqiptare.
