Parlamenti ka miratuar me 78 vota pro, 4 kundër dhe 33 abstenim eurobondin 700 milionë euro. Mes debateve të shumta, projektligji u votua nga deputetët. Ditën e sotme në parlament, kreu i PD, Lulzim Basha tha se qeveria është duke marrë borxh për të larë borxhin dhe tha se është duke e asfiksuar ekonominë me borxhin që është më i larti në historinë e tranzicionit.
Projektligjet që janë miratuar vijojnë si më poshtë:
Projektligj “Për eurobondin, që do të emëtohet nga ministri i Financave dhe Ekonomisë, miratimin e përjashtimeve nga tatimet e taksat dhe të parashikimeve për heqjen dore nga imuniteti, në marrëveshjet që do të lidhen nga ministri i Financave dhe Ekonomisë” me 78 vota pro, 4 kundër dhe 33 abstenim.
Projektligj “Për miratimin e buxhetit faktik të vitit 2020” me 76 vota pro dhe 41 kundër.
Projektligj “Për ratifikimin e marrëveshjes së garancisë, ndërmjet Republikës së Shqipërisë dhe Bankës Evropiane për Rindërtim dhe Zhvillim (BERZH), për marrëveshjen e huas, ndërmjet Operatorit të Shpëmdarjes së Energjisë Elektrike, sh.a. (OSHEE), dhe Bankës Evropiane për Rindërtim dhe Zhvillim, për projektin e OSHEE-se për reagimin ndaj krizes së pandemisë Covid-19” me 78 vota pro, 3 kundër dhe 36 abstenim
Projektvendim “Për ngritjen e komisionit hetimor të Kuvendit për të kontrolluar ligjshmerinë e veprimeve administrative dhe procedurës së ndjekur nga ana e organeve ekzekutive në procedurat për ndërtimin dhe administrimin e impianteve të trajtimit të mbetjeve urbane në Tiranë, Elbasan dhe Fier” me 117 vota kundër asnjë, abstenim 1.
