Si pasoj e kalimit të një fronti të ftohtë atmosferik dita e sotme karakterizohet nga moti me kthjellime dhe vranësira.
Dita e shtunë ishte me vranësira të dendura, si dhe reshje shiu në formë shtrëngatash, stuhi dhe rrebeshe.
Sipas të dhënave të regjistruara pranë stacioneve meteorologjike të SH.M.U-së, sasia më e lartë e reshjeve u regjistrua në qytetin e Elbasanit me 45.0mm, Tiranë 41.2mm, Shkodër dhe Lezhë me 38.0 dhe 35.0 përkatësisht, Kukës 30.2mm dhe në stacionet e tjera më pak se kjo sasi reshjesh. (Sqarim sasia e reshjeve është e matur në stacion meteorologjik ndërsa në rajone apo vende të caktuara, sasia e reshjeve mund të ketë qenë edhe më e lartë).
Ndërkohë dita e sotme do të ketë erë intensive me drejtim nga kuadrati i Jugut dhe shpejtësi të regjistruar në stacion deri në 15m/s.
Për ditën e sotme pritet përmirësim i situatës meteorologjike.
Moti parashikohet të jetë kryesisht i kthjellët me vranësira kalimtare përgjatë orëve të mesditës.
Reshjet e shiut do të jenë të herëpashershme, por të dobëta në Veriperëndim dhe Jug, hera-herës në formë shtrëngatash.
Dita e hënë dhe ajo e martë parashikohen të kenë përsëri mot të vranët me reshje shiu me intensitet mesatar deri dhe të lartë.
/GazetaReforma.com/
