Prej 2 javësh Italia është bllokuar nga COVID-19, duke u bërë shteti i dytë në botë me më shumë të prekur, pas Kinës.
Aktualisht, ka shkuar në 463 numri i viktimave, ndërsa 7985 persona janë infektuar.
Vetëm ditën e sotme kanë humbur jetën 97 persona dhe janë infektuar 1997 të tjerë.
Pjesa më e madhe e viktimave janë të moshuar dhe me sëmundje të mëparshme, teksa nga të infektuarit 650 janë në gjendje të rëndë shëndetësore.
Ndërkohë, Komisioneri për Emergjencat Civile, Angelo Borrelli, ka njoftuar se 724 persona janë shëruar, duke fituar betejën me virusin vdekjeprurës.
Zona që mbetet më e prekura nga Coronavirusi vijon që të jetë zona e Lombardisë e cila deri më tani ka regjistruar 5469 të infektuar, si dhe 333 viktima.
Kryeministri Conte 2 ditë më parë urdhëroi izolimin e rajonit të Lombardisë dhe 14 provincave të tjera.
Masa ekstreme për Coronavirusin në Itali: Izolohen 15 milionë banorë, ndalohet kryerja e funeraleve
Në Britaninë e Madhe ka shkuar në 4 numri i viktimave, teksa janë 319 të prekur; ndërkohë në Gjermani janë shënuar viktimat e para teksa janë mëse 1000 të infektuar.
Coronavirusi në Gjermani: Shënohen dy viktimat e para, rritet ndjeshëm numri i të infektuarve
Ndërkohë, në vendin tonë janë shënuar dy rastet e para, që sollën marrjen e një sërë masash.
Ministria e Arsimit ka pezualluar procesin mësimor për dy javë, si dhe janë anuluar të gjitha aktivitetet publike deri më 3 prill.
Ministrja e Arsimit: “Mësimi do zhvillohet në klasa virtuale, provimet e maturës nuk shtyhen”
Ndërkohë, edhe ministrja e Shëndetësisë Ogerta Manstirliu doli në një konferencë për shtyp, ku dha detaje rreth masave të marra.
Emergjenca Koronavirs/ Manastirliu: “Pezullohen operacionet e planifikuara”
