Misioni i OSBE-ODIHR në Shqipëri ka publikuar raportin para zgjedhjeve dhe ka ofruar rekomandime për zgjedhjet parlamentare të 11 majit 2025.
Raporti ka dalë pas një misioni të realizuar nga 3 deri më 6 dhjetor 2024, ku morën pjesë zyrtarë të lartë të OSBE-ODIHR, të cilët zhvilluan takime me grupe të ndryshme në vend.
Qëllimi kryesor i misionit ishte vlerësimi i mjedisit parazgjedhor dhe përgatitjet për zgjedhje.
Një nga rekomandimet kryesore të raportit është përgatitja e një grupi prej 26 vëzhguesish me mandat afatgjatë dhe 300 vëzhguesish me mandat afatshkurtër për të monitoruar procesin zgjedhor.
“ODIHR rekomandon dërgimin e 26 vëzhguesve afatgjatë nga shtetet pjesëmarrëse të OSBE-së për të ndjekur procesin zgjedhor në mbarë vendin, si dhe 300 vëzhgues afatshkurtër për të monitoruar procedurat e ditës së zgjedhjeve, duke përfshirë votimin, numërimin e votave dhe përmbledhjen e rezultateve.”- thotë raporti.
