Ashtu siç edhe është lajmëruar pasditen e sotme do të mbahet një tjetër protestë e rëndësishme e opozitës dhe kjo do të shënojë protestën e pestë kombëtare të saj.
Protesta e së shtunës e cila përfundoi me akte dhune, sulme ndaj institucioneve shtetërore me bomba molotove e sende të forta duket se do të përshkallëzohet.
“Le të derdhemi në orën 18:30 në shesh në betejën për Shqipërinë si gjithë Evropa. Asnjë hap pas, vetëm para. Zoti ju bekoftë” është shprehur Lulzim Basha ditën e djeshme.
Basha ka thën se opozita nuk do të lejojë që të zhvillohet një proces zgjedhor fals ku qeveria Rama të vjedhi edhe një herë tjetër votat ashtu siç e bëri në zgjdhjet e fundit.
Ndërkohë që protesta e ditës së shtunë ka përfunduar me shumë të arrestuar, ku mbi 50 tubues janë në qeli pasi janë arrestuar duke kryer akte dhune ndaj institucioneve të tilla si: kryeministria, Parlamenti dhe Drejtorisë së Policisë.
Ndërkohë që edhe disa deputet ndodhen në radhët e këtyre të arrestuarve të cilët janë: ish-deputetët Gent Strazimiri, Flamur Noka dhe sekretari i Përgjithshëm i Partisë Demokratike Gazmend Bardhi.
