Deputeti Myslim Murrizi në një deklaratë për mediat pas përfundimit të Këshillit Politik, theksoi se opozita parlamentare nuk tërhiqet nga kërkesa e saj për Listat e Hapura.
Murrizi tha përpara mediave se sot kishte pasur një sherr për Marrëveshjen e 5-Qershorit, por që shtoi se kjo nuk ishte në interes të Opozitës.
Sipas Murrizit opozita joparlamentare dhe mazhoranca kanë hallin e marrëveshjes së 5 qershorit por ai siguroi se opozita parlamentare nuk do të japë asnjë votë për atë marrëveshje.
“Ndodhi një sherr që ka të bëjë me 5-Qershorin, por është jashtë interest të Opozitës Parlamentare. Opozita ishte sot aty, jo Këshill Politik, sepse ne nuk këshillojmë askënd, por për t’i qëndruar ndryshimeve kushtetuese, dhe hapjes së listave. Pasi të hapim listat të rishikojmë me ato dy ndryshime që kemi bërë, që të mos ketë më miltiantë dhe hajdutë që të tjetërsojnë vullnetin e shqiptarëve. Unë jam si përfaqësues i 28 deputetëve, firmëtarë që kërkojnë ndryhsime kushtetuese. Mbledhja ka mbaruar por këta u futën prapë sepse dashuria e vjetër është gjë e madhe. Inshallah ka edhe shtretër aty që të flenë edhe sonte në darkë. Erdha që të dëshmoj se ka kopilllëqe këtu dhe kuptiva se këta kanë hallin e 5 qershorit. Nuk merrni kokërr vote nga Opozita për të fshehur deputetin nga shqiptarët,”- tha Murrizi.
