Dita e enjte erdhi, tashmë opozita është duke bërë deklaratat e fundit një ditë para protestës së paralajmëruar ditën e nesërme para parlamentit.
Në një deklaratë të përbashkët, ajo që quhet opozita e bashkuar pasi ka dënuar deklaratat e policisë dhe të kreut të Kuvendit, Gramoz Ruçi, ka thënë se nesër është dita kur sovrani do të ushtrojë të drejtën e tij.
Sipas tyre nëse ka një skenar dhune, ky ndodhet në zyrën e Edi Ramës dhe jo në veprimet e tyre.
“Opozita e Bashkuar njofton bandën në krye të qeverisë, Kuvendit dhe të Policisë se koha e kërcënimit të shqiptarëve ka ikur!”
Pjesë nga deklarata
Opozita e Bashkuar dënon më forcë deklaratën e Policisë Politike dhe të Ministrit të fundit të Brendshëm të diktaturës komuniste për nxitjen e dhunës nga opozita në protestën e së enjtes para Kuvendit të Shqipërisë.
Nëse ka një skenar dhune apo sulmi ndaj institucioneve, ky skenar gjendet në zyrën e Edi Ramës.
Të tilla thirrje nga Policia Politike e Edi Ramës janë të dala boje. Protesta e 16 Shkurtit provoi se mes protestuesve nuk ka kriminelë.
Opozita e Bashkuar njofton bandën në krye të qeverisë, Kuvendit dhe të Policisë se koha e kërcënimit të shqiptarëve ka ikur!
Edi Rama mund të ndryshojë axhendën e Parlamentit ‘339’, mund të arratiset vetë nga Tirana, por është i pafuqishëm të ndryshojë axhendën e popullit!
Sovrani do të ushtrojë nesër të drejtat e tij, në orën 10.00 para Parlamentit, i cili nuk duhet të mbetet peng i krimit dhe korrupsionit, por t’u kthehet sa më shpejt Shqipërisë dhe shqiptarëve.
