SPAK ka sekuestruar pasuri me vlerë rreth 12 milionë euro në kuadër të hetimeve për grupin kriminal të goditur nga operacioni ndërkombëtar “Ura”.
Vendimi u ekzekutua më 27 qershor 2025 me urdhër të Gjykatës së Posaçme, dhe përfshin 21 prona të paluajtshme në qytetin e Durrësit, apartamente, dyqane, njësi shërbimi, truall dhe ndërtesa të regjistruara në emër të personave të përfshirë apo familjarëve të tyre.
Në qendër të hetimeve janë Elvis Doçi, i njohur si “Visi i Pojës”, Juxhin Draxhi dhe Ervin Zeqiri. Sipas SPAK, ata kanë përfituar pasuritë përmes trafikimit të lëndëve narkotike, përfshirë kanabisin dhe kokainën, duke ndërtuar një rrjet ndërkombëtar që operonte mes Shqipërisë, Italisë dhe vendeve të Amerikës Latine.
Doçi ndodhet ende në arrati, ndërsa një pjesë e pronave rezultojnë të lidhura edhe me shoqërinë “Majestic Konstruksion” sh.p.k.
Lista me pasuritë e sekuestruara
- Pasuria e paluajtshme e llojit truall me sipërfaqe 282.5 m2 dhe ndërtesë me sipërfaqe 248 m2, e cila rezulton në pronësi të shtetasve Ervin Zeqiri në ½ pjesë dhe K.J. në ½ pjesë (pasuri e lidhur me subjektin e procedimit pasuror E.Z.), me vendodhje në Durrës.
- Pasuria e llojit ndërtesë, me sipërfaqe 257.63 m2, në pronësi të shoqërisë “Majestic Konstruksion” sh.p.k (me ortak shtetasin Nazmi Shahini, person i lidhur me subjektin e procedimit pasuror J.D.), Durrës;
Pasuria e llojit njësi, me sipërfaqe 291 m2 në pronësi të shoqërisë “Majestic Konstruksion” sh.p.k., Durrës; - Pasuria e llojit njësi, me sipërfaqe 205 m2 në pronësi të shoqërisë “Majestic Konstruksion” sh.p.k., Durrës;
- Pasuria e llojit njësi, me sipërfaqe 257.63 m2 në pronësi të shoqërisë “Majestic Konstruksion” sh.p.k., Durrës
- Pasuria e llojit njësi, me sipërfaqe 257.63 m2 në pronësi të shoqërisë “Majestic Konstruksion” sh.p.k. Durrës;
- Pasuria e llojit njësi, me sipërfaqe 257.63 m2 në pronësi të shoqërisë “Majestic Konstruksion” sh.p.k. Durrës;
- Pasuria e llojit njësi, me sipërfaqe 257.63 m2 në pronësi të shoqërisë “Majestic Konstruksion” sh.p.k. Durrës.
- Pasuria e llojit njësi, me sipërfaqe 257.63 m2 në pronësi të shoqërisë “Majestic Konstruksion” sh.p.k. Durrës;
- Pasuria e llojit njësi, me sipërfaqe 257.63 m2 në pronësi të shoqërisë “Majestic Konstruksion” sh.p.k., Durrës;
- Pasuria e llojit truall, me sipërfaqe 300 m2, me adresë Rruga Plazh/10 Durrës e regjistruar ne emër te Nazmi Shahini.
- Pasuria me sipërfaqe 197 m2, lloji i pasurisë Njësi, ndodhur në Durrës, në pronësi të subjektit të procedimit pasuror E.D. dhe personit të lidhur me të H.D. (bashkëshortja);
- Pasuria me sipërfaqe 135 m2, lloji i pasurisë Njësi, ndodhur në Durrës, në pronësi të subjektit të procedimit pasuror Elvis Doçi dhe personit të lidhur me të H.D. (bashkëshortja);
- Pasuria e llojit “bodrum”, me sipërfaqe totale 20 m2, Durrës, në pronësi të subjektit të procedimit pasuror Elvis Doçi dhe personit të lidhur me të H.D. (bashkëshortja);
- Pasuria me sipërfaqe 70 m2, Durrës, në pronësi të subjektit të procedimit pasuror Elvis Doçi dhe personit të lidhur me të H.D. (bashkëshortja);
- Pasuria me sipërfaqe 34 m2, Durrës, në pronësi të subjektit të procedimit pasuror Elvis Doçidhe personit të lidhur me të H.D. (bashkëshortja);
- Pasuria me sipërfaqe 29 m2, Durrës, në pronësi të subjektit të procedimit pasuror Elvis Doçi dhe personit të lidhur me të H.D. (bashkëshortja);
- Pasuria me sipërfaqe 867.13 m2, nga të cilat 867.13 m2 truall dhe 300 m2 ndërtesë, ndodhur në Durrës, Currila;
- Pasuria e llojit truall, ndodhur në Durrës, Currila, me sipërfaqe 500 m2, në pronësi të shtetasve B.D. dhe D.D., persona të lidhur (familjarë) me subjektin e procedimit pasuror Elvis Doçi;
- Pasuria ndodhur në Durrës, Currila, e llojit truall me sipërfaqe 617.6 m2 nga të cilat ndërtesë 54.52 m2, në pronësi ta shtetasve B.D. dhe D.D., persona të lidhur (familjarë) me subjektin e procedimit pasuror Elvis Doçi;
Pasuria ndodhur në Durrës, Currila, e llojit truall me sipërfaqe 87 m2, dhe ndërtesë 52 m2, në pronësi të shtetasve B.D. dhe D.D., persona të lidhur (familjarë) me subjektin e procedimit pasuror Elvis Doçi;
Operacioni “Ura” u finalizua në maj 2025 si rezultat i një bashkëpunimi mes SPAK, autoriteteve italiane, Eurojust dhe Drejtorisë së Antimafias në Bari.
Në total u lëshuan 52 masa sigurie ndaj anëtarëve të tre grupeve kriminale, një me bazë në Durrës dhe dy në rajonin e Puglias. Janë proceduar 40 shtetas shqiptarë dhe 12 italianë, ndërsa hetimet kanë dokumentuar 40 episode trafikimi gjatë periudhës 2020–2025, përfshirë transportin e 255 kg heroine dhe kokainë drejt Italisë.
Dy javë më parë, si pjesë e të njëjtit hetim, u sekuestruan edhe kompani ndërtimi, shoqëri tregtare, restorante, një agjenci imobiliare, një televizion kabllor, makina luksoze dhe shuma të mëdha parash.
