Mbrëmjen e djeshme një atentat tronditi Tiranën ku banakierja e një lokali, Mimoza Paja mbeti viktimë, teksa u plagosën edhe 5 persona të tjerë.
Ndërkohë që fqinja e Mimozës ka treguar më shumë mbi momentin kur mbesa e viktimës e njoftoi mbi ngjarjen. Ajo tregon se 10-vjeçarja ishte në gjendje të rënduar teksa po thoshte “më kanë vrarë”. Gjithashtu fqinja tregon se Mimoza jetonte në kushte të vështira ekonomike, burri nuk i jetonte më dhe detyrohej të punonte me orare të zgjatura për shkak se kishte edhe qiranë për të paguar.
“Jemi aq të frikësuar sa kemi frikë të jetojmë të shtëpia, ke frikë të punosh në punë tënde, këtu është bërë jetë e frikshme. Jetonte në kushte të vështira ekonomike me qira, edhe burri i ka vdekur dhe ka pasur hallet e veta si gjithë të tjerët. Unë isha brenda, djali po flinte, u çua djali i trembur dhe më tha mami ka ndodhur një vrasje. Kur dola jashtë, thanë “kështu kështu”, u vra Moza, armë me breshëri, kur dola dëgjova këto gjëra. Ambulanca erdhi shpejt. Erdhi 10-vjeçarja, më tha mua “o teta Bardha më kanë vrarë, po qante me të madhe, ishte duke qarë, erdhi ambulanca dhe e mori”, tregon fqinja.
