Çështja e inceneratorëvë ka marrë një vëmendje të shtuar kohët e fundit, ndërsa kemi edhe arrestimin e ish-ministrit të mjedisit Lefter Kokës.
Kryetarja e Partisë Socialiste për Integrim, Monika Kryemadhi ka publikuar një video ku tregon se deputeti i Partisë Socialiste, Alqi Bllako, ish-Drejtori i AKUM ka përfituar nga mega afera e inceneratorit të Tiranës.
Sipas Kryemadhit tashmë ka ardhur koha që të hapen “Letrat e Pandorës” së Tiranës, duke iu referuar në këtë mënyrë çështjes së inceneratorëve të Tiranës.
Ajo shton se në Shqipëri por edhe jashtë saj ka një interes të lartë që SPAK dhe institucionet e reja të drjetësisë të zbardhin të vërtetën që fshihet pas aferës së inceneratorëve.
“Ja se si Deputeti i PS Alqi Bllako, ish-Drejtori i AKUM ka përfituar nga mega afera e inceneratorit të Tiranës, nëpërmjet pagave të babait në shumën 125.000 Euro, duke e punësuar në kompaninë e inceneratorit të Tiranës, në një situatë konflikti të pastër interesi.
‘Letrat e Pandorës’ së Tiranës duhen hapur sa më parë!
Brenda dhe jashtë vendit, interesi është në rritje që SPAK dhe institucionet e reja të drejtësisë, të zbardhin sa më parë të vërtetën e tre inceneratorëve, dhe të ndalojnë vjedhjen shtetërore që përditë zbraz xhepat e qytetarëve për të mbushur llogaritë në ofshore të zyrtarëve të Rilindjes dhe individëve lidhur me ta.
Folloë the money…”, shkruan Kryemadhi.
