Ritmi i lartë i të infektuarve me koronavirus në Spanjë, e ka detyruar qeverinë vendase që të shpallë gjendjen e jashtëzakonshme në Madrid dhe zonat përreth.
Ky vendim ka ardhur pas Gjykata e Lartë e Madridit refuzoi masat e reja që u morën për rajonin nga qeveria qendrore, ku përfshihej dhe një mbyllje e pjesshme e Madridit.
Qeveria tha mbrëmjen e kaluar se kryeministri Pedro Sánchez kishte biseduar me presidentet e komunitetit të Madridit, Isabel Díaz Ayuso, të cilës i kishte dhënë një ultimatum.
Raportohet se Sánchez i ka thënë Ayusos se nëse do të vendoste masat kufizuese, atëherë qeveria do të shpallte gjendjen e jashtëzakonshme.
Në këtë mënyrë gjendja e jashtëzakonshme i jep qeverisë më shumë pushtet në kohë krizash për të kufizuar në mënyrë të përkohshme liritë kushtetuese të qytetarëve. Në këtë rast, do të kufizohet liria e lëvizjes përmes një perimetri të caktuar në disa prej zonave më të prekura në Madrid.
Restorantet duhet të mbyllen në 11 të darkës ndërsa dyqanet në orën 10 dhe bizneseve iu është thënë të reduktojnë kapacitetet e tyre në 50 për qind.
Madridi është kthyer në epiqendrën e virusit në Spanjë, vend i cili numëron 870 mijë raste të konfirmuara që nga fillimi i pandemisë.
