Kreu i Bashkisë së Tiranës, Erion Veliaj, gjatë fjalimit në mbledhjen e Këshillit Konsultativ të qeverisjes qëndrore dhe vendore pas tërmetit, u ndal edhe tek zhurmat.
Veliaj ka shigjetuar inspektoratet mjedisore, të cilat sipas tij janë 100% të korruptuara dhe duhet shkrirë.
Këto inspektorate janë në varësinë e Ministrisë së Mjedisit, e cila drejtohet nga Blendi Klosi.
Veliaj tha se për një disko, drejtuesi i bashkisë nuk ka pse të marrë ministrin , që të ndalojë zhurmën.
Sipas tij, bizneset justifikohen me lejen mjedisore, edhe nëse bëjnë ndërhyrje në ndërtesa, që janë në tagrin e bashkisë, duke ia vështirësuar punën kësaj të fundit.
“Kolegia ime në Durrës për një disko që bënë zhurmë duhet të marri ministrin. Qeveria nuk ka pse të japë leje mjedisore për furrën e bukës në katin e parë se po pra po se ajo furra e bukës që ka marrë leje mjedisore i ka futur edhe një të prishur kolonës së pallatit dhe hajde kape ti pastaj kur ai thotë kam leje mjedisore. Kurse kryetari i bashkisë që rri përditë me njerëzit, që ka emrin e vet në fletë të votimit, që në fund të ditës kova e përgjegjësisë që kalon tek ai ose tek ajo ai s’ka ku shkon nuk mund të japë gjëra të papërgjegjshme.Dhe unë jam 100% dakord me kryeministrin këto inspektoratet mjedisore janë 100% të korruptuara që duhen shkrirë, duhen shkrirë, kurse kryetari i bashkisë është zgjedhur nga populli dhe nesër e di që do të shkojë prapë aty. Kështu që o do të jetë i përgjegjshëm kur jep një leje lavazhi, gomisteri shumica e kateve të para në Tiranë janë me gomisteri të cilat kanë leje mjedisore”, tha Veliaj.
Gjithashtu Veliaj u ndal edhe tek zgarat e shiut, të cilat sipas tij, bllokohen nga njerëz dhe individë të papërgjegjshëm, të cilët kanë marrë leje mjedisore korruptive.
Kryebashkiaku vijoi duke thënë se kjo situatë duhet të marrë fund, ndërsa shtoi se nuk mund të vë roje te çdo zgarë, pasi Tirana ka 50 mijë të tilla.
“Gjithë ky informalitet me lejet mjedisore dhe e fut tek zgara e shiut dhe pastaj thoni pse u përmbyt oborri se shkolla jo e “Sabaudin Gabranit”. Po ai që vuri gomën aty, po këto lejet mjedisore që mbledhin lloj, lloj skrapesh, po 4 mijë pika në Tiranë që zbrazen në mënyrë informale. Nuk kemi lënë njeri pa u bërë rrogoz, çfarë do? Banesë sociale, ndihmë ekonomike më thoni çfarë do strehim emergjence por nuk mund të jetë nuk ka komb që ka bërë hajër duke gërmuar kazanët. Era e parë mbush të gjitha zgarat edhe pastaj patjetër që kemi përmbytje. Ne zgara shiu kemi 50000 mijë, si vëmë dot roje çdo zgare, pra një pjesë është mentalitet, por një pjesë është ligj”, përmbylli Veliaj.
