Telenovela me gjyqin e Shullazit që nisi në Gjykatën e Krimeve të Rënda, po vijon në SPAK.
Pas shumë shtyrjeve, tashmë do të futet në lojë edhe Kuvendi.
Nëpërmjet një letre, KLGJ i ka kërkuar Kuvendit, që të gjejë një zgjidhje ligjore, pasi nuk ka më gjyqtarë në dispozicion.
Shkak për këtë janë bërë largimet e gjyqtarëve, por edhe kërkesat e të pandehurve për përjashtimin e tyre.
Aktualisht trupa gjykuese përbëhet vetëm nga Albana Boksi, pasi gjyqtarët e tjerë janë tërhequr.
Bazuar në ligjin aktual, të gjitha çështjet që nuk janë pjesë e SPAK, nuk mund të gjykohen nga gjyqtarë që nuk janë pjesë e Gjykatës së Posaçme.
Në nëntor rë 2018-ës, Gjykata e Krimeve të Renda dënoi me 14 vjet burg Emiljano Shullazin, 12 vite burg Gilmando Danin, 10 vite Endrit Qyqen dhe Endrit Zelën si dhe me 9 vite Blerim Shullazin.
Grupi u shpall fajtor për përvetësim pasurie, kërcënim dhe grup të strukturuar kriminal.
